tu hans de parindey, tu hans de aaj,
gum ke aansu, yun na baha aaj.
khushi se jhoom uth, zindagi tu jee le aaj.
kya rakha hai in baaton mein, kya rakha hai in logon mein,
kya rakha ahi in dooriyon mein, kya rakha in nazdeekiyon mein,
kya rakha hai in dilon mein, kya rakha hai in jazbaaton mein,
ae mere dost tu zindagi jee le aaj.
kahin door samandar gehra hai, kahin aasmaan mein ek kohra hai,
kahin dil mein chupe gum hain, kahin aankhein kisiki num hain
kahin chupa kisi ka bachpan hai, kahin dikha kisi ka badappan hai,
insaan wo bhi hai, insaan wo bhi hai,
kahin koi chehkta hai, kahin koi mehekta hai.
samandar ye jo gehra hai, ismein gum ko chupa de tu,
aasman mein ye jo kohra hai, dukh ismein chupa de tu.
logon ko, baaton ko, rishton ko, jazbaaton ko, dooriyon ko nazdeekiyon ko,
in sab ko, haan in sab ko bhula de tu
ae dil aaj hans ke dikha de tu, aa mere saath jhoom uth,
zara hans ke dikha de tu.
No comments:
Post a Comment